नाणे (मावळ) येथे आठवडाभरापासून ठेवलेला कंटेनर ठरत आहे अपघाताचे कारण

मावळ जनसंवाद:- मावळ तालुक्यातील नाणे गावात गेल्या आठवड्यात रस्त्याच्या कडेला एक मोठा कंटेनर ठेवण्यात आला आहे. या कंटेनरमुळे रस्ता अरुंद झाला असून, समोरून येणारी वाहने दिसत नसल्याने वाहतुकीस अडथळा निर्माण झाला आहे.

दरम्यान, संबंधित रस्त्यावर खोल खड्डे पडलेले असल्याने वाहनचालकांना मोठा त्रास सहन करावा लागत आहे. रस्ता उंच-खोल असल्यामुळे किंवा खड्डा चुकविताना वाहनचालकांचा तोल जाऊन कंटेनरला धडकण्याची शक्यता वाढली आहे. त्यामुळे कोणत्याही क्षणी मोठा अपघात होण्याचा धोका निर्माण झाला आहे.

स्थानिक नागरिकांनी प्रशासनाचे लक्ष या गंभीर समस्येकडे वेधत तातडीने कंटेनर हटवून रस्त्यावरील खड्ड्यांची दुरुस्ती करण्याची मागणी केली आहे.